Pretraj Sarkar Ki Aarti

Jai Pretraj Kripalu Meri, Araj Ab Sun Lijiye |
Main Sharan Tumhari Aa Gaya Hun, Nath Darshan Dijiye ||

Main Karun Vinati Aapse Ab, Tum Dayamay Chit Dharo |
Charano Ka Le Liya Aasra, Prabhu Veg Se Mera Dukh Haro ||

Sir Par Mormukut Kar Me Dhanush, Galbich Motiyan Mal Hai |
Jo Kare Darshan Prem Se Sab, Katat Tan Ke Jal Hai ||

Jab Pahan Bakhtar Le Kharag, Baayi Bagal Me Dhal Hai |
Aisa Bhayankar Rup Jinka, Dekh Darpat Kal Hai ||

Ati Prabal Sena Vikat Yoddha, Sang Me Vikral Hai |
Tab Bhoot Pishach Baandhe, Kaid Karte Hal Hai ||

Tab Rup Dharte Vir Ka, Karte Taiyari Chalan Ki |
Sang Me Ladake Jwan Jinki, Thah Nahi Hai Balan Ki ||

Tum Sab Tarah Samarth Ho, Prabhu Sakal Sukh Ke Dham Ho |
Dushton Ke Maranhar Ho, Bhakton Ke Pooran Kaam Ho ||

Mai Hun Mati Ka Mand Meri, Buddhi Ko Nirmal Karo |
Agyan Ka Andher Ur Me, Gyan Ka Dipak Dharo ||

Sab Manorath Siddh Karte, Jo Koi Seva Kare |
Tandul Boora Ghrit Meva, Bhent Le Aage Dhare ||

Suyash Sun Kar Aapka, Dukhiya To Aaye Dur Ke |
Sab Stri Aru Purush Aakar, Pade Hain Charan Hajur Ke ||

Lila Hai Adbhut Aapki, Mahima To Aparmpar Hai |
Main Dhyan Jis Dam Dharat Hun, Rach Dena Mangalachar Hai ||

Sevak Ganeshpuri Mahant Ji, Ki Laaj Tumhare Haath Hai |
Karna Khata Sab Maaf, Unki Dena Hardam Saath Hai ||

Darbar Me Aao Abhi, Sarkar Me Haajir Khada |
Insaaf Mera Ab Karo, Charano Me Aakar Gir Pada ||

Arji Bamujib De Chuka, Ab Gaur Is Par Kijiye |
Tatkal Is Par Hukm Likh Do, Faisla Kar Dijiye ||

Maharaj Ki Yah Stuti, Koi Nem Se Gaya Kare |
Sab Siddh Karaj Hoy Unke, Rog Pida Sab Tare ||

“Sukhram” Sevak Aapka, Usko Nahi Bisraiye |
Jai Jai Manau Aapki, Bede Ko Par Lagaiye ||






Pretraj Related Aritcles in Aarti





Humble request: Write your valuable suggestions in the comment box below to make the website better and share this informative treasure with your friends. If there is any error / correction, you can also contact me through e-mail by clicking here. Thank you.

EN हिं