Shri Hanuman Stotra

Vandē sindūravarṇābhaṁ lōhitāmbarabhūṣitam|
Raktāṅgarāgaśōbhāḍhyaṁ śōṇāpucchaṁ kapīśvaram ||
Suśaṅkitaṁ sukaṇṭhabhuktavān hi yō hitaṁ |
Vacastvamāśu dhairyyamāśrayātra vō bhayaṁ kadāpi na ||

Bhajē samīranandanaṁ, subhaktacittarañjanaṁ,
dinēśarūpabhakṣakaṁ, samastabhaktarakṣakam |
Sukaṇṭhakāryasādhakaṁ, vipakṣapakṣabādhakaṁ,
samudrapāragāminaṁ, namāmi sid'dhakāminam ||1 ||

Suśaṅkitaṁ sukaṇṭhabhuktavān hi yō hitaṁ
vacastvamāśu dhairyyamāśrayātra vō bhayaṁ kadāpi na |
Iti plavaṅganāthabhāṣitaṁ niśamya
vānarā̕dhinātha āpa śaṁ tadā, sa rāmadūta āśrayaḥ || 2 ||

Sudīrghabāhulōcanēna, pucchagucchaśōbhinā,
bhujadvayēna sōdarīṁ nijānsayugmamāsthitau |
Kr̥tau hi kōsalādhipau, kapīśarājasannidhau,
vidahajēśalakṣmaṇau, sa mē śivaṁ karōtvaram || 3 ||

Suśabdaśāstrapāragaṁ, vilōkya rāmacandramāḥ,
kapīśa nāthasēvakaṁ, samastanītimārgagam |
Praśasya lakṣmaṇaṁ prati, pralambabāhubhūṣitaḥ
kapīndrasakhyamākarōt, svakāryasādhakaḥ prabhuḥ || 4 ||

Pracaṇḍavēgadhāriṇaṁ, nagēndragarvahāriṇaṁ,
phaṇīśamātr̥garvahr̥ddr̥śāsyavāsanāśakr̥t |
Vibhīṣaṇēna sakhyakr̥dvidēha jātitāpahr̥t,
sukaṇṭhakāryasādhakaṁ, namāmi yātudhatakam || 5 ||

Namāmi puṣpamaulinaṁ, suvarṇavarṇadhāriṇaṁ
gadāyudhēna bhūṣitaṁ, kirīṭakuṇḍalānvitam |
Supucchagucchatucchalaṅkadāhakaṁ sunāyakaṁ
vipakṣapakṣarākṣasēndra sarvavanśanāśakam || 6 ||

Raghūttamasya sēvakaṁ namāmi lakṣmaṇapriyaṁ
dinēśavanśabhūṣaṇasya mudrīkāpradarśakam |
Vidēhajātiśōkatāpahāriṇam prahāriṇam
susūkṣmarūpadhāriṇaṁ namāmi dīrgharūpiṇam || 7 ||

Nabhasvadātmajēna bhāsvatā tvayā kr̥tā mahāsahā
yatā yayā dvayōr'hitaṁ hyabhūtsvakr̥tyataḥ |
Sukaṇṭha āpa tārakāṁ raghūttamō vidēhajāṁ
nipātya vālinaṁ prabhustatō daśānanaṁ khalam || 8 ||

Imaṁ stavaṁ kujē̕hni yaḥ paṭhētsucētasā naraḥ
kapīśanāthasēvakō bhunaktisarvasampadaḥ |
Plavaṅgarājasatkr̥pākatākṣabhājanas'sadā na
śatrutō bhayaṁ bhavētkadāpi tasya nustviha || 9 ||

Nētrāṅganandadharaṇīvatsarē̕naṅgavāsarē |
Lōkēśvarākhyabhaṭṭēna hanumattāṇḍavaṁ kr̥tam || 10 ||

|| Om iti śrī hanumattāṇḍava stōtram ||








Upcoming Festivals & Vrat 2024











The Divine News











Humble request: Write your valuable suggestions in the comment box below to make the website better and share this informative treasure with your friends. If there is any error / correction, you can also contact me through e-mail by clicking here. Thank you.

EN हिं